麻神麻辣火鍋 (已結業)

冻冻地，行完街去打边炉~呢间系铜锣湾的麻神，比想像中好食!入到黎，环境唔错，当晚都有几多人食紧...地方宽敞感觉唔会好逼，坐都舒服。食物方面，估唔到都几多野拣，不过实在太多都有D难选择，样样想食，最后选左个有海鲜的套餐。呢个餐感觉都几抵食，佢有鸭血、和牛、黑毛猪、海虾、青口、鱼、油条同菜~份量适中，胜在款式多，可以一次过食几种野!果冻鸭血都几有惊喜，一来少见同唔多地方食到，二来食落口感几有趣，真系超似果冻，一放入口系超滑。而牛呢，几新鲜肉嫩，口感不错，有咬口而且加埋个麻味，好正!有海鲜打边炉都正d，个青口好味，肉质鲜甜带点爽，加上麻辣味，超滋味。个人推介油条都系边炉要食啊，浸过汤底即食，索左好多汁，如果钟意食辣的话，超爽!