漁師兄

营业中

休息中

首创马拉亚参咖哩烤鲈鱼条鱼真系好大条，成个盘咁长，而且啲鱼肉好鲜甜好嫩，成条鱼唔多骨，肉质扎实。配埋佢个特制咖哩汁，唔会好辣，惹味得嚟又够香。另外佢仲有唔少配料，金针菇、豆卜、莲藕、宽粉，啲配料都好新鲜。豆卜吸晒啲汤汁，一食入口有满满咖哩嘅香味同埋鱼汤嘅鲜味。串烧叫咗好多款唔同嘅串串，有烧羊肉、烧鸡肉、烧牛仔骨、烧鸡翼、烧牛舌心同烧牛肉。每样都烧得唔错，唔会太重火候令到外面好干，反而食落好juicy添~ 每款串烧都有落孜然粉，可以选择辣度，我唔太食得辣嘅就叫咗唔辣，但系味道啲嘢好够。另外一提，羊肉一啲都唔觉得骚，想食羊又怕骚嘅可以试下！饮品 佢有好多款唔同嘅特饮，叫咗荔枝红茶、白桃乳酸同红柚子绿茶。如果套餐加特饮会半价tim～ 每款都好大杯。荔枝红茶几香茶味，而且下面有好多椰果。白桃乳酸酸酸甜甜咁，加上系有气饮品，夏天热辣辣再食住烤鱼咁饮真系绝配。而红柚子绿茶比较惊喜，我以为系类似柚子蜜𠮶种，原来真系比柚子肉，仲要好多🤣 每啖都会饮到好多柚子肉，真系好正～ 佢啲饮品全部都唔会太甜，味道恰到好处，大赞！