Cafe Paradise (已結業)

周未，最好揾一间Cafe，同三五知己食下野、倾下计，令心情放松一下，为自己叉叉电，准备迎接新既一周。Cafe Paradise有几间唔同分店，太子分店比较近大家，所以今晚相约系到聚餐。Cafe外形好亮眼，纯白色既外墙﹐加上大大个店名﹐好易揾到。店内的空间唔算好大﹐座位与座位之间好近。食物方面﹐可以点Dinner Set或者散叫都可以。我见食物的份量都几大份﹐所以就点咗一份Dinner Set加散叫主食﹐两个人Share黎食。店员推介香脆猪手﹐我地就点咗一客试试。上枱时﹐猪手仲系热辣辣﹐切开中间﹐仲有微微烟冒出﹐而且份量好大份﹐Share食就啱啱好。猪手外皮好香脆﹐肉味都好香﹐整体黎讲﹐唔会好油腻﹐同调味控制得好好﹐唔会太咸﹐非常惹味呢。另外﹐我地散叫咗一客西蔺花鸡肉意大利粉。意粉弹牙﹐唔会煮得太腍。而白汁烹调得好好﹐汁既份量好适中﹐入口感觉唔会好Heavy。但若果多啲鸡肉会仲正啲。而餐饮就点咗榛子牛奶﹐牛奶入口顺滑﹐带有淡淡既榛子味﹐但又唔会抢咗主角牛奶既味道，配得啱啱好。