原味館 (已結業)

今晚食自己，正当烦恼晚餐食乜好的时候，忽然瞄到新假期介绍的这间面店，在荃湾重开，见地点就脚，本人又喜欢食海鲜，于是就决定去试下。一落车，行几步就见到了，不算难揾，其实就系鲎地坊附近，因为早去，所以未有好多人。坐低后，睇一睇餐牌，都有好几款粉面拣，由于我去的时候仍是下午茶时间，所以仲有免费餐饮送，汽水咖啡茶，热饮冻饮都有! 既然系慕名而来，见到招牌系三鲜面，于是一坐低就嗌咗碗三鲜面。听讲呢间d面系福建面，问咗老板有咩唔同，佢话福建面比较粗身d，接近拉面（但我觉得冇拉面咁粗），我就拣咗面! 三鲜面系即叫即煮，我坐的位置系对住厨房，见到师傅煮，等咗五六分钟，终于来喇，去图！总的而言，这碗三鲜面真系几好味，汤底鲜甜，有小小胡椒粉吊味，而且好足料，我特登数一数，一碗面里有八只花甲，八只圣旨，仲有好多蚝仔，配料有焖金菇，芫荽，菜等等。个面都好好食，我觉得似潮州的手打面，值得一试。最后食完仲送埋冻可乐tim!食完埋单，盛惠$58，不用加一，收现金。后记：当我食完准备离开时，已是晚市，都见到陆续有d人开始来紧，望著大家的眼神，相信都系呢两日睇到介绍慕名而来的，惟店面空间略显不足，老板未开晒台，就算用餐