香辣鮮

营业中

休息中

早几日见天气凉凉地咁啱有经过长沙湾，就入咗呢间餐厅度。餐厅都算大，每张枱都隔左啲距离坐得舒服，好啱同啲朋友团聚。本身想叫鸡煲，但系见到有鸭煲，好似几开胃就嗌咗个酸萝卜鸭煲。因为实在太肚饿，所以叫咗个爆蒜泥白肉食住先，呢个小食不得之了，超级多蒜蓉，但又唔会食到个口好臭，加埋啲肥肉一齐食超正。鸭肉煲得好淋，同埋啖啖肉，加埋个萝卜食好夹，我哋叫咗BB辣但系都偏辣，所以如果唔系太食得辣嘅就建议嗌BBBBBBB辣。唯一唔好嘅地方就系配料比较少，如果可以加多少少蔬菜系个煲度会更加正。