十二味麻辣小當家 (已結業)

一名朋友介紹話呢間四川麻辣火鍋值得一試，黎到發現原來我唔地唔係食一般既火鍋而係”干鍋”，呢種麻辣干鍋已經係內地興起左一排，大部份香港人都以為麻辣就一定係黎自四川，其實麻辣干鍋係黎自中國北方既。自己本身好鐘意食辣，但因為第二日要去公幹，怕肚仔會唔舒服所以今次只好點左特色麻辣媧（小辣）。點菜程述就好似平時食車仔麵咁，有勁多選擇俾你揀，一個干鍋配上不同的配料，揀好晒之後就幫你炒到一鑊熟。今晚我同朋友二個人點左嫩牛肉、鮮蝦、雞軟骨、萵筍、娃娃菜同寬麵，唔覺唔覺點得多左，最後唔係好食得晒，有啲浪費左添！WAITER一端出黎就就文到陣陣香辣味！雖然望落好似好多辣椒，但事實上都唔係太辣的，唔食得辣嘅人都唔使擔心！因為用炒既關係，干鍋非常香口惹味，比麻辣火鍋更出色！味道真的不錯。香辣味很正宗，豐富有層次，而且炒得非常乾身，唔會有過油感覺。嫩牛肉真係好嫩好大塊，感覺好似好食過肥牛。我最鐘意萵筍、娃娃菜，吸晒個鍋既香辣味，真係好惹味。鍾意食麻辣嘅人真係要嚟呢度食下。平時喺香港一啲普通餐廳叫一啲辣嘅嘢食真係好難會搵到啲有質素嘅，呢間餐廳既麻辣鍋同大陸食既有得fight。我試左小辣已經有辣味，下次必試大辣。