一豚豬手專門店 (永德大廈) (已結業)

间唔中都会斩下料返屋企加𩠌，但又唔想下下食叉烧／切鸡呢啲大路嘢，呢日就试下新嘢😎嚟到铜锣湾时代广场附近嘅一豚猪手专门店🐷斩返只招牌黑超猪手返屋企先。作为猪手专门店，除咗黑椒猪手系招牌，另外仲有脆卜卜嘅脆猪手，以及大阪烧脆腩卷、猪颈肉、鸡髀、鸭胸等等，斩料返屋企都可以有啲新鲜感😆除咗原只咁买，呢度仲有三十几蚊嘅饭餐，直头系粮尾救星🤑🤑系附近返工嘅人都可以试下。招牌黑椒猪手第一次嚟梗系试咗招牌先😛猪手好厚肉，肉质好滑好弹，猪皮厚厚一层，充满胶质，真系有骨胶原嘅感觉😍😍食落好香黑椒味，店员斩猪手嘅时候最后会淋上酱汁，捞饭一流👍🏻人均消费：$100推介指数（10分为满分）：7.5分