Mee...lemongrass (已結業)

呢日嚟到东港城，行到咁上下，喺时候揾D嘢医吓肚，见到Mee…lemongrass都几多客帮衬，心想应该有番咁上下，所以决定入食个lunch。主打东南亚菜式，布置当然有D当地风情，别饶特色，坐得几舒适。睇吓餐牌，lunch set选择颇多，而且又包埋小食、甜品同饮料，都算抵食。天口咁热，先叫过无骨酸辣凤爪沙律($62)醒醒胃先。水准之作，个汁调得酸酸辣辣，不俗。主餐我拣咗秘制特制特色牛骨汤河($62)，menu 话个汤有熬成10个钟，所以唔使讲咁多，一上枱，就要呷一口汤试试，果然鲜美，而且碗粉份量十足，配料有牛肉、牛丸、牛腩、牛柏叶，好味又抵食，真系冇拣错。个Friend拣咗个缅甸咖喱牛腩饭($72)，卖相吸引，咖喱甜中带辣，牛腩炆得软熟入味，真系好好送饭。我哋仲加咗个马拉盏炒秋葵($62)，惹味之余，口感又够特别，当真值得一试。叹埋个一口甜品，再加杯餐饮，呢个Lunch都算相当丰富。