太興 (已搬遷) 新店位置

對太興其實無特別喜歡，好似高級少少的茶餐廳咁，重點係有時覺得太興個價位比較貴，食物又未去真係非常好食，如果唔係屋企人話去的話，都真係無咩機會去食。今日同屋企人黎食，3個人叫左2個菜，再加兩盅燉湯。杏汁豬肺湯，入口杏仁味非常非常非常重，好似飲緊杏仁汁咁，個豬肺洗得乾淨，亦無異味，食落軟軟綿綿咁；咕嚕肉，味道好滿意，大家都認為係全晚最好食，醬汁黏稠度及甜酸度適中，豬柳炸到外脆內嫩，入口有肉汁，而且啖啖肉唔會有骨；燒味，不過不失，個人覺得會鹹左少少，但老人家食落就話剛剛好。