小曼谷泰國美食 (已搬遷) 新店位置

食泰国菜点都会出九龙城食，选择多且间间质素都唔差，有好几间都系我不时去食，惹味开胃不在话下，真系愈食愈爱上，今日同男友去左依间泰国菜店食晚餐，我地同样是食辣爱好者，当然要叫辣味菜式先称得上识食<<冬阴功海鲜汤鱼面>>香浓既冬阴功汤，酸辣度适中，加入唔同种类又新鲜既海鲜，令个汤更鲜甜，入面有鱿鱼、虾，仲有大量蚬，虾肉够哂弹牙，配埋新鲜鱼面，吸哂海鲜既鲜甜同冬阴功汤底既精华，成碗面味道有好多层次<<腌猪颈肉沙律>>平时叫开烧颈肉沙律，今次试下新食法，依个沙律够新鲜，酱汁既酸度适中，猪颈肉够爽劲，而且同酸汁好夹，原来咁样腌猪颈肉都唔错㖞<<泰式炸芝士虾丸>>虾丸有成个网球咁大粒，虾肉够爽口弹牙，芝士味够浓香，一咬落去，芝士就会倾泻出黎，十级邪恶 ，沾个泰式酸辣酱汁，更加美味<<泰式青柠水>>系依度既招牌饮品，因为青柠水够酸，好开胃<<泰式龙眼冰>>传统泰国饮品，有好多龙眼肉，唔算好甜，整体好好味<<甜品>