糖室 (已結業)

呢间甜品店俾屋邨包围住, 感觉好特别。出面仲有个木秋千, 俾人一种悠闲既感觉。抹茶冰茶味唔错, 够浓郁, 里面材料丰富, 除左烟韧既蕨饼同爽滑既凉粉, 仲有香浓既牛乳雪糕, 愈食愈精彩, 超正!玫瑰荔枝冰比起抹茶冰更加开胃, 酸酸甜甜, 里面仲有白桃啫喱同荔枝雪米糍, 食完胃口大开。抹茶心太软茶味一样浓! 不过质感太湿淋, 如果干啲脆啲就好啦。反而海盐雪糕有惊喜, 少少咸中带甜既味道, 令人回味。最后嚟既荷兰班戟热辣辣, 食完冻既甜品就啱啱好! 脆脆既边位, 浓郁既蛋味, 加埋烟韧燕麦脆脆同鲜果, 好正!总括嚟讲, 呢间店细细地, 但就好大惊喜, 价钱仲唔贵添, 值得再嚟!