Chill Cafe Bar & Grill (已結業)

第一次打食评就系因为今次完全有hard feeling。。。由一开始第一次黎，一路都好好，食物质素高，员工服务态度好！直到近几次去就每况越下。。我地每次去都系叫牛扒，因为好钟意佢d牛扒有碳烧味，虽然而家都keep到有碳烧味，但厨师完全唔识分5成同7成，次次黎亲都全熟。。配菜系数得出既5条薯条，3条幼芦笋加2粒蕃茄！食过几次都系甘忍唔住开口同shop in charge讲话以前有包汤同沙律，而家cut左之余所有份量都少左，质素又差左，点知位男同事态度劲差，我都讲明系俾番d意见佢，唔系要R咩，只系希望佢地有改善，但佢竟然同我讲我唔知你之前系讲紧几时黎过啦，我由上年10月入职已经系甘，我又唔见有其他客投诉，我会反映番俾老细同大厨听，睇下系咪有需要改善。。真系嬲到我一个点！试问而家仲有服务行业态度甘差架咩？你简单讲句唔好意思，会帮我地反映意见就已经可以平息到成件事你都做唔到，难怪以前甘难订枱而家即日订都仲可以有位啦！CS最基本既态度都无，哩间餐厅只会愈黎愈少客帮衬，最少今日已经又失去左9位客！