HABO室內釣蝦場

营业中

休息中

因为老公生日，所以朋友就带咗我哋嚟钓虾，钓完仲可以煮嚟食，亦都可以带走。因为从来都未试过钓虾，职员会好详细咁介绍鱼竿既用法。而我都系一直钓唔到，职员留意到我都会帮我，教我揾容易有虾嘅位置，最后我都钓到三条！！两个钟体验虽然唔系钓到好多，但系整个感觉都非常好，职员又有礼貌又会详细同细心咁留意每个客人嘅情况，十分之令人赞赏！钓完之后，我地选择咗堂食，四个人加埋有20几条，可以拣两个𩠌，我哋就拣咗人气no.1 「秘制蒜香酱油虾」同埋「酸甜咕噜虾」。大家都一致认为「秘制蒜香酱油虾」系最好食。另外都叫咗几个小食，分别有炸一口芝士，炸烧卖同炸薯条配黑松露酱。全部都好好食。临走前仲叫员工帮我哋影张合照，技术非常到位，唔使自己再另外编辑。唯一缺点系女厕厕所既洗手液用完未fill返。整体感觉唔错，会再次帮衬。