唐宮小聚 (荃新天地)

营业中

休息中

我本身都好少写食评，但系今日真系不得不上嚟赞一赞，事关今日我太太生日，就谂住同埋屋企人一齐食餐饭，我就一早book左枱食翻餐生日饭，今日呢间餐厅嘅同事下午打嚟confirm booking 我就问埋切饼费几多钱。最意想不到嘅事就系，佢哋同事就话，「咦？你太太生日，我哋可以帮你留张大枱，而且可以帮你布置一下」 我本着执输行头惨过败家既态度！当然say yes啦！ 但估唔到一间中式嘅餐厅都会咁贴心！ 我就一早过咗间餐厅放低个蛋糕先 然后睇到个画面 真系再一次多谢佢哋咁用心！到食饭嘅时候，经理仲送咗个长寿面同埋甜品俾我太太 令到呢一餐本来普通且简单嘅生日饭多了一点甜！ 呢间餐厅我都帮衬过几次，员工有礼貌 环境干净！ 但今次真系有啲令我喜出望外！睇得出间餐厅好有人情味 唔死板！整个用餐过程愉快 令我哋成家人食得好舒服 好开心绝对会推荐其他朋友过嚟食！👍🏻👍🏻👍🏻 再一次多谢呢间餐厅嘅所有员工！令我太太同埋全家人有一个咁开心嘅回忆！