大澳德發 (已結業)

在炮台山地铁站等过马路时，打算揾地方快食赶上堂，就见到间茶餐厅，行埋见到系食小菜为主，都犹豫唔入去，不过赶时间，就决定试吓。见到完全冇人，都谂紧行返出去，收银姐姐建议我坐里面，先发现原来其他人都坐里面。叫咗虾球鱼汤泡饭，起初送上鱼片泡饭，店员都好有礼貌帮我换返。我平时很少吃泡饭，但也觉得这个做得不错。虾球几好食份量亦算多。我冇叫嘢饮，想提一下系食完立即去上堂，都冇觉得特别口渴，所以真系要赞一下😊 另外我觉得三个店员态度也亲切👍🏻不是那种集团茶餐厅机械式的礼貌对答，或者小店那种有性格，但其实好唔礼貌的对答。唔知点解我觉得而家好多餐厅员工，越嚟越冇礼貌。。。遇到OK的我一定要讲出嚟，等佢哋知道就算几匆忙嘅人都有留意嘅，佢嘅努力系冇白费💪🏻我会再帮衬，希望嚟试试炒虾球之类的小菜。