影片
更多
2023-01-26
506 浏览
年初四约咗好友Gathering ，因为临时改地方Book唔切位，喺间间都话要等1.5-2个钟嘅情况下，呢间仲有吉枱唔使排队，所以谂都冇谂就扑锤食呢间。一坐低已经知道要90分钟交枱，所以我哋用咗5，6分钟睇餐牌拣嘢食，落单嘅时候，𠮶位男职员同我哋讲今日比较忙，应该要等至少30分钟先出到餐，咁我哋循例问一问交枱时间会唔会可以弹性处理，该名男职员表示唔得，然后就行开咗。之前为咗尽快落单，所以我哋未拣嘢饮，拣好后叫咗另一位嚟落单，目测似系经理，佢主动话今日得一位大厨喺度，所以出餐可能会比较慢，希望大家见谅，态度比之前𠮶位好好多，抵赞。我哋叫咗一个小食拼盘，一份牛扒，一个青咖喱鸡配薄饼（追加一份薄饼）同一碟泰式炒意粉。小食拼盘大部分系炸物，香口惹味，唔会过咸，但2款肠仔中，波波肠较好，另一款肠仔食落口感较实偏咸，个人不喜。牛扒冇问我哋要几成熟，上枱感觉应该系medium well，而且系切好晒嘅，我唔知系因为佢觉得我哋会share所以帮我哋切埋，定佢一向都系咁上枱，不过就怪啲啰，因为预先切定啲牛扒啲肉汁会流失得快啲，可能佢谂住另外有个sauce做蘸酱，影响不大啩……好在味道都算ok，冇over
一坐低已经知道要90分钟交枱，所以我哋用咗5，6分钟睇餐牌拣嘢食，落单嘅时候，𠮶位男职员同我哋讲今日比较忙，应该要等至少30分钟先出到餐，咁我哋循例问一问交枱时间会唔会可以弹性处理，该名男职员表示唔得，然后就行开咗。之前为咗尽快落单，所以我哋未拣嘢饮，拣好后叫咗另一位嚟落单，目测似系经理，佢主动话今日得一位大厨喺度，所以出餐可能会比较慢，希望大家见谅，态度比之前𠮶位好好多，抵赞。
我哋叫咗一个小食拼盘，一份牛扒，一个青咖喱鸡配薄饼（追加一份薄饼）同一碟泰式炒意粉。
小食拼盘大部分系炸物，香口惹味，唔会过咸，但2款肠仔中，波波肠较好，另一款肠仔食落口感较实偏咸，个人不喜。
牛扒冇问我哋要几成熟，上枱感觉应该系medium well，而且系切好晒嘅，我唔知系因为佢觉得我哋会share所以帮我哋切埋，定佢一向都系咁上枱，不过就怪啲啰，因为预先切定啲牛扒啲肉汁会流失得快啲，可能佢谂住另外有个sauce做蘸酱，影响不大啩……好在味道都算ok，冇over cook。
而个青咖喱鸡配薄饼，个汁偏稀，以青咖喱嚟讲，完全唔够辣，个辣度感觉只系比白咖喱辣少少咁多。而且个薄饼唔够热又偏淋，失败。
最差系个泰式炒意粉，劲多油，食落似中式豉油炒意粉，完全冇泰式感觉可言，唯一可取嘅系啲虾都几大只同几爽口，但个意粉真系不了。
饮品方面我拣咗杯椰汁冰嘅物体，叫Coconut Shake，椰汁味够浓，饮到尾都仲系满满椰汁味，唔会水，几好。
香煎和牛扒
24 浏览
0 赞好
0 留言
小食拼盘
29 浏览
0 赞好
0 留言
Coconut Shake
$68
21 浏览
0 赞好
0 留言
张贴
