梨泰院 (愉景新城) (已結業)

一直都几钟意愉景新城呢个地方，因为比较舒服又宁静啲，同埋佢嘅餐厅都几有质素。最近有啲新餐厅加入～今次见到新开张嘅呢间韩国餐厅，佢好干净企理，就想试吓佢嘅炸鸡好唔好食～(利申超钟意食韩食嘢特别系炸鸡)我哋叫咗沙律，炸鸡，然后有份芝士猪腩肉同my favourite泡菜煎饼。今次试咗呢个韩式豆酱炸鸡，但系食唔到豆酱味，不过炸得几好，粉酱唔会太厚。另外邪恶啲嘅芝士猪肉！好惹味，芝士又多。沙律正常OK嘅，泡菜饼佢好特别配咗啲枫糖浆，我几钟意食有咸有甜嘅嘢食，佢有啲似热香饼，真系几喜欢😋5星为满分*😋美味：⭐️⭐️⭐️⭐️💰价钱：⭐️⭐️⭐️⭐️🛋环境：⭐️⭐️⭐️⭐️⭐️🤵‍♀️服务：⭐️⭐️⭐️⭐️🚶‍♀️回头：⭐️⭐️⭐️⭐️🏠餐厅：梨泰院 (荃湾)📍地址：荃湾青山公路荃湾段398号愉景新城地下1019号舖