Solera Restaurant and Bar (已結業)

好耐都唔嚟一次愉景湾，难得嚟到梗系食埋晚餐先走啦，夜晚兜左几个圈，揾咗好耐，终于决定咗试呢间西班牙菜。由于出边好好天，所以我哋都系坐咗户外嘅位置，可惜啲侍应唔系太好服务，冇帮我地摆好餐具，都冇帮我地倒水。其实个环境唔错，不过可能我哋期望太大，啲嘢食其实一般般。我哋带咗一个汤一个前菜一个面同一条鱼，其实个味道唔系话特别好味，不过不失。左上角个蘑菇汤 $60以为西班牙风味嘅汤有咩特别，就好似普通西餐咁，不过就多咗啲料Cheese Board $168由于我好钟意食芝士，见到Menu有芝士拼盘就即刻叫咗个，亦都系不过不失，冇话特别好味但系又唔差。Greek Fried Rice $168谂住试吓新野，虽然个味道唔错，但亦都唔系啲特别新嘅味道，都叫一个平平无奇嘅饭。Salt Baked Bream $318见到盐焗好似好特别，一上菜果下我同男朋友都哗咗出声，几得意，不过食落去个味道就正常，冇乜特别嘅味道，啲鱼肉都几滑。总括而言唔系一间特别有期待嘅餐厅，不过系愉景湾嘅餐厅有限，都叫一个正常嘅选择。