Casa Di Thali (已結業)

将风马牛不相及嘅两款菜式融合，结果会系点呢？呢间由印度人主理嘅意大利餐厅Casa Di Thali，就话你知，将两款极端嘅菜式放埋一齐，得出创新感觉，让意大利风格带有印度风味喇！面包篮一坐低之后，店员就送上面包篮，入面有法包同印度薄脆片片。简单将两款烘焙放埋一齐，仲配有特制嘅蕃茄罗勒紫洋葱碎同意大利醋俾你，绝对跟住矛盾去旅行啦！Meatballs头盘方面，我哋就拣咗肉丸。呢个Meatballs系由羊肉同猪肉制成，羊肉嘅肉香味，加上猪肉嘅油香味，两者比例啱啱好，羊肉味香而不膻。而蕃茄酱汁加上羊奶芝士，食得到嘅印度风味。Tagliatelle Truffle Mushroom Pasta意粉我偏向喜欢黑松露，所以都拣咗呢款黑松露pasta。虽然整个意粉入面无肉，不过完全唔觉得单调，因为个奶油味好香浓，而且意粉非常挂汁，每一啖都食到黑松露嘅香味。Spicy Salami Pizza 食意大利菜又点少得pizza呢！Spicy Salami Pizza除咗辣肉肠仲加上辣椒片，同时充满意印欢情，特别适合中意辣嘅朋友。饼底厚薄适中，又脆又有口感，仲可以拉丝㗎！