Petit Deli (已結業)

同朋友庆祝生日，就嚟到尖沙咀食下西餐。上网见呢度好似几好又抵食！果然冇失望！我哋两个人点左一个意粉同一份烧黑毛猪扒。呢个系风干火腿Carbonara ，听闻呢度嘅意粉系自己手造， 食物果然同出边现成嘅唔同！入口弹牙好多而且麸麦味亦都比较重！好好食！而且个忌廉芝士酱亦都好creamy好好味，中间仲有少少蘑菇同烟肉增加口感！非常好！另外仲叫咗个烧黑毛猪柳，估唔到份量都几大几厚！猪扒下边有啲鲜茄溶衬托着，增加左鲜味！猪扒入口脆身，有炭烧香，而且肉汁得以锁住，非常好食！其实人均都系＄200到，响尖沙咀食到咁好质素，我觉得非常唔错！