影片
更多
2017-05-22
56 浏览
继520大餐后男朋友又话带我食好野，等我期待左几日。佢约左我系铜锣湾等，边行边同我讲去食大排档，我即刻呆左呆。佢又笑笑口讲食系一间食西餐嘅大排档。餐厅装饰行怀旧贴地风格，门口痴左一排黑白相，招牌用霓虹灯砌行。既亲切又熟悉。餐巾都好特别，大红烫金，好抢眼。烧吞拿鱼沙律配千岛汁。沙律份量对得住价钱，都几多同足料。除左各类蔬菜外，仲有菠萝同大大旧嘅吞拿鱼！系成旧架，唔系小小嘅肉碎。千岛汁酸酸甜甜好开胃，蔬菜都好新鲜，特别系生菜，水份充足，好似饮紧水咁。另外吞拿鱼唔会太熟，食落似三文鱼嘅味，加上烧嘅时候落左黑椒，味道几好。餐厅虽然行贴地路线，但细致位一啲都唔麻虎，每食一碟菜都会好细心帮每位客人换一只碟。黑毛猪热脆包。个包好脆，每切一下都好响。咬落外脆内软，中间嘅黑毛猪有小小似烤猪一样肉滑味浓，肥瘦适中，仲搽左小量嘅芥末酱，令味道嘅层次丰富左。焗法国连壳食田螺。田螺上台时好精致，五个用酥皮包住嘅田螺放系薯蓉上面，酥皮上面仲淋左一层香草汁，咸咸地。薯蓉未完全打烂，仲可以咬到小量薯仔粒。酥皮脆口，田螺稔身，口感上两者配合得好好。烧牛脷。平时见开嘅牛脷系一片片，e到系一条条。烧到滑嫩可口，外面㶶㶶地嘅
餐厅装饰行怀旧贴地风格，门口痴左一排黑白相，招牌用霓虹灯砌行。既亲切又熟悉。餐巾都好特别，大红烫金，好抢眼。
烧吞拿鱼沙律配千岛汁。
沙律份量对得住价钱，都几多同足料。除左各类蔬菜外，仲有菠萝同大大旧嘅吞拿鱼！系成旧架，唔系小小嘅肉碎。千岛汁酸酸甜甜好开胃，蔬菜都好新鲜，特别系生菜，水份充足，好似饮紧水咁。另外吞拿鱼唔会太熟，食落似三文鱼嘅味，加上烧嘅时候落左黑椒，味道几好。
餐厅虽然行贴地路线，但细致位一啲都唔麻虎，每食一碟菜都会好细心帮每位客人换一只碟。
黑毛猪热脆包。
个包好脆，每切一下都好响。咬落外脆内软，中间嘅黑毛猪有小小似烤猪一样肉滑味浓，肥瘦适中，仲搽左小量嘅芥末酱，令味道嘅层次丰富左。
焗法国连壳食田螺。
田螺上台时好精致，五个用酥皮包住嘅田螺放系薯蓉上面，酥皮上面仲淋左一层香草汁，咸咸地。薯蓉未完全打烂，仲可以咬到小量薯仔粒。酥皮脆口，田螺稔身，口感上两者配合得好好。
烧牛脷。
平时见开嘅牛脷系一片片，e到系一条条。烧到滑嫩可口，外面㶶㶶地嘅颜色，切开系好吸引嘅暗红色。肥瘦岩岩好，入口即溶，好似食紧蛋糕咁，好滑。点汁食可以中和左牛脷嘅油腻，所以建议点汁食。配菜都较为出色，荷兰豆爽口，紫薯蓉甜甜地。
烧春鸡。
成只鸡开胸烤上碟，细细只，上面有放左d香草，闻落好香好吸引！食落有孜然粉等各种香料的嘅味，但又唔会抢左鸡肉嘅鲜味。鸡只腌得好入味，连骨都好香口。
原只蜜桃雪葩。
一上台已经心心眼😍😍迷人嘅粉红色深深吸引住我。好香嘅桃味传出，成个桃都好靓，睇到都流口水！雪葩充满蜜桃嘅香味，入口香甜软滑，好好食！
张贴
