影片
更多
2023-05-20
2146 浏览
细个𠮶阵星期六日放假一定会跟老豆阿妈去饮茶。今个星期六难得同阿妈出中环但又谂唔到食乜好，自然就会想饮茶。🤣喺中环要揾间CP值高嘅茶楼真系唔易。陆羽又唔系我呢啲庶民可以高攀。好彩以前曾经同朋友食过呢间金御，于是就带埋阿妈来encore。我饮茶一定要食虾饺同凤爪。冇食过呢两样嘢基本上等于冇去饮茶。同埋一间茶楼如果呢两样做唔掂基本上我唔会再去。上次去金御虾饺系略为厚皮，但未至于差评。今日嘅虾饺意外地好食。皮有7折以上，厚薄适中，虾肉弹牙，肥猪肉同虾嘅比例大概系3：7。算系近期我食过最好。豉汁凤爪就正常发挥，唔会好咸，够腍。最有惊喜系黑金奶皇流沙包（好似系呢个名）。一咬落去热辣辣嘅奶皇好似爆浆咁流出来。好耐都冇食过咁流心嘅流沙包！唯一要挑剔就系包皮冇乜芝麻味。如果芝麻味浓就perfect池。另一个惊喜就系烧鹅脾。我好耐都冇食过皮系脆嘅鹅脾😭，而且啲肉仲唔系得个咸字。好滚动～虽然两个人要差唔多400蚊落楼系有啲贵，但间中一次ok啦！😂
我饮茶一定要食虾饺同凤爪。冇食过呢两样嘢基本上等于冇去饮茶。同埋一间茶楼如果呢两样做唔掂基本上我唔会再去。
上次去金御虾饺系略为厚皮，但未至于差评。今日嘅虾饺意外地好食。皮有7折以上，厚薄适中，虾肉弹牙，肥猪肉同虾嘅比例大概系3：7。算系近期我食过最好。豉汁凤爪就正常发挥，唔会好咸，够腍。
最有惊喜系黑金奶皇流沙包（好似系呢个名）。一咬落去热辣辣嘅奶皇好似爆浆咁流出来。好耐都冇食过咁流心嘅流沙包！唯一要挑剔就系包皮冇乜芝麻味。如果芝麻味浓就perfect池。
另一个惊喜就系烧鹅脾。我好耐都冇食过皮系脆嘅鹅脾😭，而且啲肉仲唔系得个咸字。好滚动～
虽然两个人要差唔多400蚊落楼系有啲贵，但间中一次ok啦！😂
张贴
