238 Restaurant (已結業)

同朋友去上环食晚餐，行左好几间餐厅都唔啱心水，最后路过呢间 238 餐厅，见装修唔错，又唔洗等位，就入左去试下。个唔知系 waitress 定系老板娘的外藉女士，介绍我地食芦笋，佢话系时令㖞！同埋系空运到港，只系四五月先有。所以我同朋友都试左。个芦笋汤系估唔到咁好饮，而且又大碗。正！我叫左龙虾伴芦笋做主菜，又系劲好食。芦笋好新鲜，味道浓淡适中。龙虾系我至爱，真系无得弹，同五星酒店的有得fight。甜品就叫左 home made banana cake。一食入口就与别不同，除左好好食，我都唔知可以讲乜。可惜我无影相，未能分享。食左呢餐真系好满足，不过埋单都唔平，每人六百蚊。