Itamama (健威坊)

营业中

休息中

今日本来谂住去北角食潮州菜， 点知满座兼要等好耐，嬲得滞去揾第间， 见到有间 itamama喺港运城， 胆粗粗入去试下， 结果有意外收获 ，啲嘢食都唔错，地方阔落，坐得舒服。 我食咗个三文鱼椰菜花高纤饭 ，honey就食咗个黑椒牛柳粒珍珠饭 ，仲有一碗蘑菇汤送。 珍珠饭旁边仲有啲好靓嘅生菜，淋咗啲日式芝麻沙律汁，见到都好开胃。 我个三文鱼高纤饭仲正，煎香嘅三文鱼好鲜味，个饭入面有椰菜花， 杂菌，翠玉瓜，青瓜，洋葱，仲有红腰豆，真系健康又好食。仲有一样最实际嘅就系价钱平，两个人都系食咗166蚊 ，食得舒服又健康，下次再嚟帮衬。 仲有每日都有特价嘅餐， 如果有啱嘅仲平啲，见到隔离啲人又食虾又食牛扒，好似好多选择咁，今日发现新大陆 ，下次要试下第二啲嘢先。