山城小麵 (太子中心)

营业中

休息中

有次同CHICKEN行番屋企既时候，因为太肚饿想食番啲野先，但一食就出事喇，正值下午茶时段，套餐丰富，一嗌就嗌左好多野，搞到果日番屋企食唔到晚饭ＸＤ果日食既就系呢间山城小面，川菜粉面为主，同CHICKEN行番屋企果阵都会经过呢头。初次食过之后，大家都觉得呢间川菜唔错，特别系小食方面几出色～价钱几抵食，食套餐既话可以食到超多野，而且一定饱住走人XD 卤蛋炸酱面，另加一份牛腩，唔加辣酱其实汤底几清甜，面质够晒弹牙，炸酱做配料够晒滋味，卤蛋煮得好软身，份量非常多，整体都唔错。CHICKEN点既山城牛肉面，虽然嗌左小辣但都成碗红色XD 不过佢话唔系好辣，我就唔太敢试～麻辣手撕鸡，丰富调味同酱汁，花椒较多，口感充满麻香味，虽则睇上去系辣，但其实唔系好辣，而且鸡丝幼细易嚼，而且好香口，我同CHICKEN都好喜欢。蒜泥白肉，蒜泥蓉非常幼细，肉片薄切，白肉沾上少少蒜泥同食，非常滋味，相比起谭仔既蒜泥白肉好食几倍。冰粉，冰糖糖水作主要调味，其粉系透明啫喱状，味道偏甜，底部有山楂饼同提子干，感觉几特别，可以一试。