Lost in Thai (已結業)

系太子买完野去附近揾野食，比呢间小清新风格既餐厅吸引左，起初以为系cafe，原来系泰国菜！意外发现呢间食物水准几好，而且价钱平过商场啲店舖，绝对要介绍下！炸虾饼 $68虾饼正常size，热食够香脆，虾饼弹牙。泰式凤爪沙律 $68无骨白凤爪大约有10只，配菜有洋葱、西芹、蕃茄等等，用左越式捞檬粉既酱汁，味道酸酸甜甜，够开胃。泰式猪龙骨汤 $118猪龙骨即系火山骨，同一般见既火山骨差吾多，大约有3-4条大骨，肉就未算好多。呢个汤可以饮哂，汤就偏酸同有香茅味，岩啲钟意食酸辣野既朋友。冬阴明炉乌头 $198冬阴汤底完全吾辣，味道酸甜又好香椰汁味，好岩我口味。乌头都算大条多肉，有个火炉热住一啖鱼肉一啖冬阴功汤非常惹味！蒜蓉包 $28印度薄饼 $20虽然无叫咖哩，但配冬阴公汤同样好食！泰式奶茶 $35见隔离枱有只熊仔，问店员之下原来系泰式奶茶，呢粒熊仔冰好可爱！店员话粒熊仔冰都系将茶结成冰，所以溶左都仲好浓奶茶味。另外旁边仲有一般既冰粒，尽量吾好叫少冰，因为只熊仔要用适量既冰承托住，如果吾系熊仔就会沉左。芒果糯米饭 $52芒果食落几香同几甜，糯米饭够烟韧，再配埋椰汁，完美画上句号。