古早味台灣原味 (已結業)

晚上相约有人去睇戏，无心插柳下就去咗呢间 位于铜锣湾京都广场5楼嘅台式餐厅<古早味>，意外地整体都不错，可推。嗌咗个宜兰葱馅饼$28， 一客有四件，平时喺面舖食嘅馅饼通常有成手掌心咁大个 ，食完一个都好饱 。但系呢个啱啱好 ，两啖一件，细细地 ，而且又系热辣辣，咬开入面充满了汤汁， 同韭菜馅料非常唊。然后叫咗个卤肉饭 $58，饭量啱啱好唔大唔细，两个人食啱啱好， 面头舖满了卤肉 ，卤肉切得比较大粒 ，所以食落去都有啖啖肉感觉嘅 ，加上有大量嘅卤肉汁， 捞饭食真系一流。Menu选择都几多，嗌咗个酥炸鸡扒$38， 外层炸到热辣辣 ，好香口，鸡扒厚薄适中，作为前菜系唔错嘅选择。同朋友点咗一杯黑糖珍珠奶茶$22一齐饮， 价钱同味道都同街外嘅奶茶专卖舖有过之而无不及 ，渗透著淡淡的黑糖香味 ，珍珠几好咬口。最后甜品当然少不了 ，我哋就点咗一个综合芋圆 $45，芋圆比较大粒 ，口感比较结实 ，少咗一啲烟韧嘅感觉， 但系红豆甜甜地 ，几好食。食埋个甜品一餐饭就完美作结， 整体嚟讲古早味性价比合格有余， 喺铜锣湾闹市嚟讲算很不错了。