意料之外 (已結業)

2019年4月11日（星期四）觉得行蓝地大街，好似行紧长洲，悠悠闲闲好舒服！小店门面普普通通，反而系佢个名好特别！一支公叹下午茶，最啱食个包，份量冇咁多，价钱又平啲，啱啱好！香煎鸡扒包配沙律+柠茶，盛惠$34，感觉大满足！张张枱都有客，生意唔错！可能系厨房唔够人手，食物上枱速度唔算快！首先讲吓个包，软绵绵，脆卜卜，属心机之作！鸡扒大人手掌一样大，煎得好香，肉质嫩滑仲保留肉汁，水准以上！沙律系的骰咗啲，不过好爽好脆好清新！好食又抵食！