中與志 (已結業)

今日放咗工之後搵嘢食；但娘親就話要食下午茶，所以我就想搵啲輕食嘅嘢啦。中與志其實我都食咗好多次。但今次我就要寫一寫～～食物今次叫咗燒三文魚醬汁卷；其實今次個紫菜比較淋身，其實我都覺得正常！唯一最唔正常係個紫菜唔係包晒成舊壽司。個醬汁其實係燒汁味，而且仲要比平時嘅燒汁還要淡味。三文魚不過不失啦，因為佢都係三文魚肉粒。壽司本身都唔算太過凍嘅，但又未至於到暖囉。壽司飯冇散晒嘅。服務態度因為我只係喺個凍季到拎壽司然後去收銀處俾錢，我主動問佢攞Wasabi，佢哋都會攞俾我嘅。所以我覺得佢嘅態度唔係差。價錢方面$26有12粒算係抵嘅，起碼我覺得個質素好過某一間連鎖壽司鋪