影片
更多
2014-12-07
600 浏览
Friday night 同班friend 去食饭，听其中一个friend讲佢屋企附近开咗间几好食既小菜馆，刚开业不久已佢一家人已帮衬咗好几次，故我地一班人就决定走去试试。一去到大约7点半左右，囍囍已经坐满8成人，之后见到原来佢地有个优惠，就系7:30pm前结帐及离座可享9折优惠，难怪可以吸引一些早放工一族以及附近既居民啦，又可以避开我地呢D由九龙区迟来的人。我地好快就有位坐，坐低后伙计好建议我地可以叫个套餐再加D野食就OK，绝无hard sell，呢点系我比较欣赏的。我地叫咗个真味套餐（2人餐），包招牌炖品两盅，沙姜鸡例牌，清蒸沙巴龙趸仔，有白饭及任选小菜一款，我地选咗咕噜肉。另外加咗个金砖脆皮豆腐，木鱼烧茄子，金丝蜜饯鸡翼，脆皮椒盐鲜鱿同花胶柳浸青蔬。D野食好快就到，首先来咗两个炖汤，真系好鬼好饮呀，我饮的既系椰子炖竹丝鸡，个汤好清甜，好有榔香味，盅汤超足料，我个friend点咗滋润杏汁炖白肺，奶白色的，好香杏仁味，饮完个汤已经好饱好满足（温馨提示︰先饮一半，留待之后再饮呀，如果唔系太饱食唔落野）。清蒸龙趸好新鲜，隔离张枱见到我地条鱼都话好正！点知以为唔会有惊喜既咕噜肉又出奇地好食
一去到大约7点半左右，囍囍已经坐满8成人，之后见到原来佢地有个优惠，就系7:30pm前结帐及离座可享9折优惠，难怪可以吸引一些早放工一族以及附近既居民啦，又可以避开我地呢D由九龙区迟来的人。
我地好快就有位坐，坐低后伙计好建议我地可以叫个套餐再加D野食就OK，绝无hard sell，呢点系我比较欣赏的。我地叫咗个真味套餐（2人餐），包招牌炖品两盅，沙姜鸡例牌，清蒸沙巴龙趸仔，有白饭及任选小菜一款，我地选咗咕噜肉。另外加咗个金砖脆皮豆腐，木鱼烧茄子，金丝蜜饯鸡翼，脆皮椒盐鲜鱿同花胶柳浸青蔬。
D野食好快就到，首先来咗两个炖汤，真系好鬼好饮呀，我饮的既系椰子炖竹丝鸡，个汤好清甜，好有榔香味，盅汤超足料，我个friend点咗滋润杏汁炖白肺，奶白色的，好香杏仁味，饮完个汤已经好饱好满足（温馨提示︰先饮一半，留待之后再饮呀，如果唔系太饱食唔落野）。
清蒸龙趸好新鲜，隔离张枱见到我地条鱼都话好正！点知以为唔会有惊喜既咕噜肉又出奇地好食，炸得一D都唔厚身，肥肉不多，好鬼开胃！
我地听老板介绍叫咗个脆皮椒盐鲜鱿，佢话呢个椒盐鲜鱿系用蛋白即叫即炸的，口感有别于一般椒盐鲜鱿，佢真系无介绍错wor....个鲜鱿好脆又唔油腻，又大件（当然系指鲜鱿啦），好抵食！
小食类都做得好有水准架，脆皮豆腐都系即叫即炸，外表松脆，入面嫩甘。木鱼茄子个烧汁做得好好味，金丝蜜饯鸡翼做得香甜脆口，小朋友一定好钟意！
我地仲见到隔离张枱叫咗个黑椒猪手食，WAH....只猪手超大只，原只跟烧窝上，真系好足料，好后悔无叫tim....
呢间菜馆仲有唔少海鲜选择，价钱又唔太贵，下次要再来试下先！
题外话/补充资料：
老板很热情，材料新鲜纯正，做菜很用心，值得一赞，下次一定再来
(以上食记乃用户个人意见 , 并不代表OpenRice之观点。)
张贴