新波記茶餐廳

营业中

休息中

今日系农历大年初七「人日」同「立春」嘅日子！中午𠮶阵我们去咗上环济公庙拜神，之后去咗附近嘅「新波记茶餐厅」食下午茶！我们叫咗蕃茄蛋三文治嘅蕃茄好新鲜，炒蛋唔算好厚身，但炒得都几嫩滑，面包亦好软熟！黄金猪扒肉燥饭嘅猪扒表面睇落好似炸到好硬同好干咁，以为会好「嚡」，但食落就觉得肉质好松化，一啲都唔硬实，味道仲相当惹味！花生酱多士嘅花生酱味道非常浓郁，而且仲有粒粒花生碎，令到口感更加丰富！热狗包嘅入面肠唔系粗身啲嘅司华力肠，而系幼身嘅鸡肉肠，呢个系令我们比较失望！芝士火腿乜包听落个名都觉得几得意，所以就叫咗嚟食，嚟到之后见到原来乜包系类似台湾叫嘅刈包，质感都几软熟！