大澳德發 (已結業)

在附近做完野，谂住食得清小小，唔使成日打边炉韩烧。见到地铁对面有间小菜未试过，就决定试下。入到去发现是主打大澳菜，好特别，平时好少食。店员极力推介个油盐水北寄贝，话今日精选，所以听佢话叫左一份。既然来到大澳菜馆，我地决定唔食平时食开的小菜，点左啲比较有特色，餐牌上推荐的大澳特色菜。除左北寄贝，仲点左三宝肉饼笼仔蒸饭，大澳小炒，鱼汤浸时蔬。北寄贝上台时大份到大家都哗哗声，估唔到$108就食到咁肥美，粒粒都咁饱满又嫩滑的北寄贝，下面仲垫左粉丝！最后系全部清晒。笼仔蒸饭入面有濑尿虾干，土鱿同虾干加肉饼。肉饼好滑送饭一流，对面的男士食晒成笼饭。小炒皇比其他小菜馆无咁咸，试过好多都落左好多味精，呢间的是真才实料，不过个人喜欢多点腰果。我地都好满意呢餐，估唔到小菜馆又唔太出名竟然有咁高水准，野食完全唔会过分调味，保留左海鲜同海味本身的味道，所有食物都唔会过咸。之后经过呢边都会再帮衬。