洪記潮州滷味 (已結業)

妈咪钟意食潮州嘢，适逢母亲节谂住同佢出去食返餐，上网揾餐厅见到洪记一面倒的好评，所以book位去试吓😋。我哋六大一小，都叫咗好多食物，可惜挂住食，完全忘记咗影相😆。有几个𩠌非常出色，值得特别推荐👍🏻：炸蚝仔一般打冷都系食炸蚝饼，但呢度系炸蚝仔，又叫黎试吓。一上菜就已经好吸引，蚝仔粒粒都好大只，睇得出好饱满。𠮶炸浆唔厚身，食落好松脆，有鲜味兼且完全唔腥，亦冇食到蚝壳或者成口油。自己本身都试过好多地方嘅炸蚝饼/炸蚝仔，呢度系最好食嘅一间👍🏻。卤水鹅件卤水味道丰富，唔会太咸，最重要鹅件嫩滑，一啲都唔靭。而且肥瘦适中，食落好香👍🏻。鹅肠拼墨鱼本人唔食鹅肠，但屋企人对呢个𩠌菜赞不绝口，又新鲜又香，冇食过一间咁好食👍🏻！墨鱼都好嫩滑。除咗食物好食，最难得系呢间舖头嘅店员好好倾，好感受到果份人情味，招呼亦十分周到。呢种互动，喺成行成市嘅连锁食肆系唔会揾到嘅🥰。难得有一间好食、招呼好又唔贵嘅小店，觉得好值得支持，所以一定要写个好评推荐下，等佢哋长做长有！不过因为座位有限，唔想等都系预先book位会好啲。