Noir Chocolatier (已結業)

同朋友去Califonia食饭, 经过间朱古力专门店, 见到呢度有唔同既朱古力, 但系都几贵, 店员话系比利时朱古力, 仲剪左粒白朱古力士多啤梨俾我同我朋友试食, 个切面靓到呢, 未入口巳经嗅到好香士多啤梨味, 入口脆卜卜, 白朱古力很滑, 酸甜适中。其实我前几日先食过 Muji 只白朱古力士多啤梨, 入口香脆, 不过啲朱古力甜到我唔想食, 同埋冇乜朱古力香，而呢只朱古力就香滑好多, 同埋唔甜腻。我都食过北海道六花亭只白朱古力士多啤梨，0个只牛奶味重啲, 我个人觉得三只中呢只最啱我口味, 呢度仲有唔同既口味, 有红桑莓、车厘子、蓝莓等, 忍唔住买番啲返去，系此megabox之行既意外收获。