B.O.A

营业中

休息中

今天无意经过呢间泰国餐厅，见到个2人套餐几抵，于是入去试下，味道出乎意料好味。下次再去。1. 泰式素翅鱼肚羹类似普通碗仔翅，有冬菇粉丝同素翅，味道唔算好浓，加埋醋饮，酸酸地几开胃。2.沙嗲鸡肉串烧（四串）四串鸡串都几大串，沙嗲酱好野味，鸡肉本身已经烧得好入味，就算唔点酱都好好食。3.香脆马来豆腐豆腐皮脆内滑，出面淋上鱼露同埋甜酸酱，配埋青瓜丝，酸酸甜甜唔油腻。4.原个椰青咖喱软壳蟹拌印度烤饼呢个系最惊喜既菜式！青咖喱好足料，加埋青红椒同埋椰子丝，好香而唔腻。将印度烤饼点青咖喱食，非常夹！除左有炸得酥脆既软壳蟹之外，仲有2只大炸虾，份量一啲都唔少。仲有配埋一杯椰青，一个菜式可以食到几样食物。5.姜汁炒芥兰姜汁味不算重，但系芥兰炒得翠绿爽口！6.龙眼冰龙眼冰味道普通，胜在唔算太甜。