明洞Express (已結業)

偶尔收工经过尖沙咀稳野食，朋友推荐之下去左呢间韩式快餐。店面唔大，但餐牌选择好多。想点个韩式紫菜包饭但似乎停售左一段时间。然后凭感觉叫左个牛肋骨汤汤饭，因为系半自助式既快餐，取餐时候已经闻到一阵清汤既味道，但闻落去感觉会比较偏向羊既味，清清淡淡再有葱花既味道。首先试左个泡菜，味道中挺，如果可以再辣就更好，可能就返好多香港人唔食得太辣既口味。然后系冷盘薯仔片，口感得意又带点麻油既味道。肋骨汤方面，肉既分量好足，肉质鲜嫩，汤清得黎好香，有蛋花调味，同一般牛肉整出离既汤有出入，带比人少少羊肉既错觉，但唔会有羊肉汤咁骚，个人觉得清得黎有肉食，非常满意。汤本身有粉丝，再加上餐配既白饭，一个人食绝对饱肚。五十几蚊既价钱，值得！