Mee...lemongrass (Megabox) (已結業)

下午要去开会，就到公司附近的Megabox食好了，贪呢度星期一至五人少啲，食店又多选择。一个人食就梗系拣午市套餐啦，黎左lemongrass食，等左一阵就有位，快快落单先。叫左招牌无骨海南鸡饭，同场食客好多人点呢，个人就贪佢有菜有肉有饭又有汤嘞。鸡件约有六、七件，份量蛮多嘛。鸡滑溜，皮下脂肪亦不多，连皮吃亦没太大罪恶感，但鸡肉本身较淡味，个人见议点酱吃啦。呢度个鸡酱好味噃，有蒜香又酸酸辣辣咁。菜心无特别，我都会去点酱食嘅，因佢本身真系白灼菜心黎。油饭很黏很软腍，加上大大碗超饱肚。鸡汤较清淡，但至少无油腻腻，都几好饮。最惊喜系呢杯黑糖珍珠鲜奶，系鲜奶呀非奶茶，黑糖味好香甜，珍珠有咬口亦有浓浓的黑糖味，奶香幼滑，估唔到食东南亚菜嘅舖头有一杯咁好饮嘅台式饮品，正。一个餐再加一杯珍奶真系饱到爆啊，食饱饱再继续下半场的战斗了。