影片
更多
2009-08-18
10 浏览
本人非常like食辣, 由于系香港揾唔到间好食既遗有专登上深圳食, 最近系OPEN RICE 见到呢间近期都几hit 既食店, 所以专登搭车过黎试下, 未够七点就到达, 只系得两, 三枱客(唔够半个钟, 竟然全场爆满), 睇下本餐牌都发现几多款式, 唔剩系得辣野食, 不过黎得”麻辣妈妈”当然要食辣辣辣…………. 经店员极力推介我地点咗 : 避风塘炒蟹 ($238) – 个店员话佢地个避风塘炒蟹既味道同桥底辣蟹有得挥, 讲到咁夸张, 心谂就试下你, 如果唔系就拆你招牌, 到只蟹上枱啦, 个样就似到十足十,一试便知龙与凤。味道果然不错, 蒜炒得够香又够干, 净系食d蒜就咸咗小小, 但系只蟹既味道就刚刚好, 个店员话如果d蒜唔咸咁只蟹就唔够入味, 听落又好似几有道理, 而只蟹都几大只, 如果去桥底辣蟹食分分钟要6、7百蚊, 咁系呢度食又真系几抵食, 无介绍错麻辣田鸡煲 ($65) – 我地点咗正常辣, 因为店员话用煲仔上, 而会用火不断热住所以会越来越辣, 份量都唔小, 成个煲仔满晒, 田鸡下面仲有d青瓜, 薯仔同萝卜, 不过d配菜上枱时未食得仲生生地要煲下佢, 淋d, 索晒d汁就一流, 不
经店员极力推介我地点咗 : 避风塘炒蟹 ($238) – 个店员话佢地个避风塘炒蟹既味道同桥底辣蟹有得挥, 讲到咁夸张, 心谂就试下你, 如果唔系就拆你招牌,
到只蟹上枱啦, 个样就似到十足十,一试便知龙与凤。味道果然不错, 蒜炒得够香又够干, 净系食d蒜就咸咗小小, 但系只蟹既味道就刚刚好, 个店员话如果d蒜唔咸咁只蟹就唔够入味, 听落又好似几有道理, 而只蟹都几大只, 如果去桥底辣蟹食分分钟要6、7百蚊, 咁系呢度食又真系几抵食, 无介绍错
麻辣田鸡煲 ($65) – 我地点咗正常辣, 因为店员话用煲仔上, 而会用火不断热住所以会越来越辣, 份量都唔小, 成个煲仔满晒, 田鸡下面仲有d青瓜, 薯仔同萝卜, 不过d配菜上枱时未食得仲生生地要煲下佢, 淋d, 索晒d汁就一流, 不过麻味就小咗d, 但由于本人唔钟意麻, 所以对于我就ok
辣子鸡 ($98) – 睇个样好似好辣, 好多辣椒, 但系食落感觉就香多过辣, 好香孑然味, 唔系度度食得倒,
萝卜糕 ($18) – 眼见隔离枱食完一碟又一碟, 唔执输既心态, 我都order 一碟食下, 原来真系无错既, 呢碟萝卜糕, 睇起上黎同其他既无咩分别, 但系一夹开就见倒一丝丝既萝卜丝, 食落口无多如既粉, 好有惊喜
抱住黎柴枱既心态黎试, 点知有几多惊喜~~总括食物质数唔错, 价钱唔贵仲要唔驶茶钱同加一, 真系几扺食, 又多一个落脚点, 下次叫多d朋友黎食, 可以试多几款
张贴
