芝心糖人街 (已結業)

九龙城梗系食泰国菜，但鬼屎咁多人，排队排到肚打鼓，本想食小小野医下肚，路过呢间甜品店，好光猛干净，似乎新开，入去食咗先算，我地见到个餐牌竟然疯狂咁叫🙈 除咗甜品，仲有小吃，面食等，一于决定食饱佢，店员推介台湾盐酥鸡，炸浆一D都唔厚，鸡肉唔干又滑，有辣，唔辣选择，好有台湾feel ,encore 又encore ,一流👍，芝士鱼蛋，用咗五种鱼打，都算弹牙，巨形恐龙蛋，芝士蛋白流心多士，全都好有创意，味道唔错，吉列猪扒汤乌冬，猪扒够大够厚, 又松脆, 饺子鸡翼就稍逊，味道唔系好夹，饱咗八成喇，未食甜品呀，食唔食到呢？唯有叫小D喇，芒果脆脆，类似芒果班戟, 将班戟雪冻，跟住炸，外面脆，内面厚厚冻芒果肉，好得意, 可惜要即食，外卖既话个皮就会淋，唔脆，再叫咗芭菲杯share , 卖相好吸引，材料好丰富，有多种生果粒，西瓜，蜜瓜，芒果，小丸子，粟米片，凉粉，仲可拣选雪糕味道，食埋饱哂好满足，虽然今晚冇食到泰国菜，竟然冇失望，相反大满足添😋