創味坊 (已結業)

今日同朋友去长沙湾买野，行到又热又肚饿，经过一间餐厅见到入面装修好特别，就一于入去试下。一入门口员工就好热情咁问我地几多位，坐低后马上就比左杯水我地，可能佢已经见到我地好热!!一睇餐牌就发现原来呢到野食种类好多，搞到我都唔知拣咩好，系呢个时间我发配左原本佢地有一部电视系播紧佢地餐厅既食物短片，强烈推介一个芝士蛋包饭。但系呢一个时间我朋友又话比我知餐牌上有扒食，因为我系一个好钟意食牛既人所以又比佢地既西冷肉眼扒深沐吸引住，系天人交战下身为牛魔王既我始终放弃左芝士蛋包饭呢个选择!意外地餐厅上菜好快，唔使我地咁肚饿咁等，汤我拣左红汤，可以睇到佢地材料非常多，一饮落去发现汤既辣度岩岩好，因为之前试过太多餐厅既红汤都无咩味同唔辣既!好快咁个牛扒就上埋黎，今次我拣左5成熟，因为唔同既餐厅都有唔同既标准，但今次我觉得同我想像中差唔多，牛肉唔会太熟，黑椒汁都好浓味!最后餐饮我点左佢地既奶茶红豆冰，发现奶茶味非常浓郁而且仲有啖啖红豆配合非常特别!呢次食得非常满足，所以我决定下次再会去试埋个芝士蛋包饭!!