泰紅泰國美食 (已結業)

今日因为有要事做搅到两点几都未食晏,终于2:40pm行过Red Thai嘅门口。问吓有无下午茶时段,女侍应回答"无,但仍然可以尽快2:45pm前order set lunch"。结果一行人抱住试吓嘅心情入咗去,揾咗靠近门口一张大圆型嘅梳化位坐。赶紧叫咗几个set lunch加一客炸虾饼俾小朋友食。海南鸡饭上台卖相唔错,食落香滑有鸡味。咖喱牛腩味道适中,唔会太多椰奶及一味死辣。惊喜系泰式卤水猪手饭,上台嘅卖相出奇地整齐排放,入口香清细腻轮到至爱嘅"马拉沙咖喱羊膝配油酥饼"。本来羊膝嘅味道唔错,分量十足。但系可能因为时近3:00,印度师傅做到过晒钟,出菜断晒缆。等咗差不多十分钟后酥饼先到,胃口大打折扣最后大家觉得味道唔错,决定试埋推介嘅甜品"马来花生脆雪山"。由于望到印度师傅举起三只手指好似表示三点钟重未收得工,我哋恐防咁迟加单会唔会失水准呢好彩依落都算交到货,但都嫌价钱贵咗啲