金閣海鮮酒家

营业中

休息中

未试过呢间酒楼的晚饭，就黎试下。点知一入到去劲多人，差唔多枱枱都有人，所以得返d唔靓位坐，都唔紧要，反正都冇咩期望。点知𩠌一上，竟然有意外惊喜。首先系只秘制鸡，好滑唔鞋口，系连鸡胸位置都一样，而且唔贵👍👍👍👍跟住系例牌乳猪，皮脆口，有肥有瘦，就算唔点酱都有味，价钱唔算贵👍👍👍👍再黎系咕噜肉，略嫌冇菠萝同肥肉多过瘦肉，粉唔厚，但出黎已经冧左，可以当做冇咁热气啦。仲有杂菜煲，中规中矩啦。最后系笼仔蟹蒸糯米饭，呢个超抵，$88劲大笼，蟹预期中咁细啦，但糯米几香几软。总括黎讲，系高于期望ge中菜。