摩司

营业中

休息中

原本谂住去鲤景湾食晚饭，因为冇位泊，于是转軚去筲箕湾。行入东大街见到天后庙对面有间小店叫Merci Minnie “摩司”，行近啲睇，原来成间店一个客都冇，我心沉一沉，但我朋友见到个餐牌有牛脷意粉，咁啱佢又想食，加上佢个staff （又可能系老板娘) 好殷勤咁走出嚟介绍有咩嘢食。于是即管试吓。我哋叫咗个红洒烩牛牛肋肉饭，加多三个小食：盐烧三文鱼腩，盐烧牛脷，烧五花腩肉。个牛肋肉炆得好琳，好好味，而且𩠌多过饭, 够晒两个人食。个三文鱼腩好新鲜，又香又滑，完全唔会腥👍 牛脷厚切，外脆内软 有90分，五花肉烧得香但畧干。总结：我会比85分，下次会再嚟。到我走𠮶阵，已经有多三台客。