錫蘭 (白加士街)

营业中

休息中

意外惊喜年底外出买年货，第一程去完永安，要食饱至再去裕华，一路求其揾一间餐厅食饱就算。行过哩间睇到都几光猛同有卡位，咪入去坐低。午餐餐牌几样野$58到62，哩区价钱差不多啦！叫左一个午餐同一个散餐，主要怕午餐吾够食。上菜起码分量系大惊喜，分量十二足，最后未食都打包一盒做下午茶。雪菜鸡丝炆米($58)5分-分量真系非常够-如果用平时早餐食过咁多间茶餐厅比较    — 鸡丝其实系几块,基本一块已经有早餐一碗的肉丝分量，哩度系超多鸡，都算系滑    — 雪菜分量亦多，当然主要味道系吾会其他茶餐厅咁死咸，系带甜。   —炆米亦炆得几入味，系米粉粗左小小。鲜茄牛脷意粉 ($65)4分－ 除了番茄，仲有洋葱，西兰花，红萝卜仔，加埋一起调一个酸甜汁，难得有咁认真啊！—厚牛脷都有4大块啊，又可以留一块做下午茶，哈哈。牛脷咬口吾会太”琳”,牛脷味都几够。—意粉就比较al dente就只有70分啦，同时亦系普通茶餐厅用开比较粗的意大利粉，可以考虑改下。例汤都足料咖，有粟米，萝卜，大大旧排骨，好浓好甜。最后当然有正正常常的柠檬水。 哩个价钱哩个质数哩个分量，吾比高分都吾得。