Panino Giusto (已結業)

又到星期日，梗系要行下街，今日去咗 IFC 呢个高级商场，八卦一下 iPhone x 卖成点，八完之后揾嘢食，行行吓见到玻璃柜内有不少意大利风干火腿吊响度，原来是一家有名堂的意大利三文治店，二星级大厨唔去做高级餐厅反而做三文治店，真有性格。两个人就是两款三文治、两杯咖啡，米兰风格的火腿芝士多士 Toast Classico 外表真系比我们的漂亮，不愧为时装大国，外表有焦香坑纹，芝士火腿馅料一层层非常丰富咁嘅样，食落个包够脆，尤其火腿味道特别好，意大利风干火腿真系零舍唔同！朋友食大厨招牌三文治之中嘅一款－Madras，材料系烤火鸡胸，招牌的确唔同，未食过又香又滑的火鸡肉，最特别是黄色的咖喱酱，比之前𠮶款贵＄20都值。咖啡就冇乜点，冇话特别香但都唔错。我哋后来倾计口干叫多壶红莓果茶，茶壶好靓啲茶都香。