有情有意 (已結業)

喺购团见到有任食两小时意大利菜，原来呢间餐厅聘请部份聋人或弱听人嘅社企餐厅。餐厅嘅设计感觉舒适，但座位有少少逼。为方便职员与客人沟通，每枱都会有一张手语小贴士以及一红一白牌，红色牌为结账，白色牌为点餐，当举起牌，职员会过嚟服务。沙律我哋拣咗水牛芝士蕃茄沙律，烧鸡肉田园沙律配无花果黑醋，蔬菜新鲜。头盘嘅烟三文鱼慕丝胡麻酱豆腐嘅酱好香，豆腐滑嘟嘟，而黑松露蜜糖烤鸡翼冇黑松露味，香草牛油焗新薯，岩盐烧秋刀鱼普通。主菜嘅烧羊扒太熟，焗宝云酥鸡扒，烧澳洲肉眼同埋烧刺身级三文鱼扒配刁草忌廉我都唔太欣赏。汤有三款好香浓。呢度嘅意大利饭有黑松露野菌意大利饭，鲜虾墨汁意大利饭，鸡肉红菜头苹果汁意大利饭，好香好好食。意粉我哋试咗卡邦尼意粉，野菌白酒忌廉汁长通粉，两款味道几好，但无特别。甜品五款分别系黑森林蛋糕，纽约芝士饼，朱古力沙架饼，黑芝麻豆腐芝士饼，士多啤梨泡芙山虽然唔特出，但作为饭后甜品已足够。另外呢有埋刺身都系任食，款式算多以及质素唔差，够新鲜。