影片
更多
2008-11-12
57 浏览
上星期日既然山长水远入到嚟西贡，encore 完超赞嘅意大利菜而冇留低食甜品，下一站当然系心目中一早已经决定咗要去朝圣嘅甜品店─就系满记！假日佢旺场就梗架啦，不过因为佢有咁多个舖，所以唔驶等都即刻有位。室内嘅环境可以讲话同以前好唔同，而家无论你去到边区边间分店，装修都会完全一样，墙纸都系𠮶只图书馆咁嘅式样，木色装修配昏暗灯光，刻意营造浪漫情调，好嘅就系有自己嘅 icon，而失去嘅当然系每间不同位置舖头嘅独特性啦！话就话室内情调适合情侣谈心，不过因为实在太爆，客人大多数都好识做，食完就会闪，唔会阻住做生意，所以入去食嘢都好难坐到超过半个钟嘅！入去坐低，我哋就叫咗： 榴梿班戟：虽然成日写嘅甜品食评中有好多都有榴梿，但系好似满记呢个咁出名嘅甜品，我反而系第一次食！因为我之前系唔食榴梿嘅，见到亦唔会叫。但系自从食过我老公喺金满堂成日叫𠮶个榴梿甜品后，我先渐渐爱上咗榴梿；原来只要榴梿拣得靓，味道真系好精彩，唔怪得咁多人食，自己以后食甜品又可以多个选择！满记嘅榴梿班戟外表呈青绿色，其实都系同芒果味个皮一样，只系唔同颜色；一切开质感烟靱嘅班戟皮，随即闻到一阵香得嚟近乎可恶嘅榴梿味 真系有好大嚿榴梿
上星期日既然山长水远入到嚟西贡，encore 完超赞嘅意大利菜而冇留低食甜品，下一站当然系心目中一早已经决定咗要去朝圣嘅甜品店─就系满记！假日佢旺场就梗架啦，不过因为佢有咁多个舖，所以唔驶等都即刻有位。室内嘅环境可以讲话同以前好唔同，而家无论你去到边区边间分店，装修都会完全一样，墙纸都系𠮶只图书馆咁嘅式样，木色装修配昏暗灯光，刻意营造浪漫情调，好嘅就系有自己嘅 icon，而失去嘅当然系每间不同位置舖头嘅独特性啦！话就话室内情调适合情侣谈心，不过因为实在太爆，客人大多数都好识做，食完就会闪，唔会阻住做生意，所以入去食嘢都好难坐到超过半个钟嘅！入去坐低，我哋就叫咗：
榴梿班戟：虽然成日写嘅甜品食评中有好多都有榴梿，但系好似满记呢个咁出名嘅甜品，我反而系第一次食！因为我之前系唔食榴梿嘅，见到亦唔会叫。但系自从食过我老公喺金满堂成日叫𠮶个榴梿甜品后，我先渐渐爱上咗榴梿；原来只要榴梿拣得靓，味道真系好精彩，唔怪得咁多人食，自己以后食甜品又可以多个选择！满记嘅榴梿班戟外表呈青绿色，其实都系同芒果味个皮一样，只系唔同颜色；一切开质感烟靱嘅班戟皮，随即闻到一阵香得嚟近乎可恶嘅榴梿味 真系有好大嚿榴梿，当然仲有好多忌廉啦！榴梿好靓好正，好好味，𠮶阵独有嘅香甜味道真系～～ 不过我觉得放得太多忌廉嘞，虽然系甜品，都唔一定要太甜，啲忌廉仲有少少抢咗榴梿啲味道添！不过整体上我都系好满意！
雪山榴梿：既然佢啲榴梿咁得，我又想食雪糕，就叫咗呢个配云喱嗱雪糕嘅榴梿甜品嘞！呢个啲榴梿仲正，一大嚿无添加其他嘢，好滑好浓味；一啖榴梿，一啖雪糕简直令人忘我！甜品本身嘅甜味系靠雪糕同埋佢所调制嘅云喱嗱碎冰支持，感觉好过其他人工甜味。甜品嘅面头有几块士多啤梨片，不过有少少酸，唔系咁得，其实唔加上去仲好！
食完呢个全部都系榴梿嘅下午茶之后，真系暂时乜都食唔落嘞，睇嚟要行番几个钟先可以返出市区食晚饭嘞！
张贴
