Plato Cafe & Bistro (彌敦道) (已結業)

今次黎Plato，一开始俾Openrice优惠吸引，但后来上到黎发现食Dinner set仲抵，所以叫左Dinner Set。（上到黎发觉用唔到主菜半价优惠都有少少心有不甘，但叫餐抵食啲又。）环境方面，我会话系普通西餐厅，气氛普通，又唔系话光猛，又唔系话暗到好有气氛咁。最舒服就系可以安排坐窗口位，望住弥敦道既街景—不过人唔多，所以坐得舒适外，同朋友普通倾计都舒服。食物方面，我地叫左个西冷牛扒餐同芝士野菌黑松露意大利食饭，就包餐汤+蒜蓉包+饮品。汤同包都几可以：俾西冷牛扒，唔算好惊喜：够热，肉质都有口感，够香：黑松露芝士野菌意大利饭，有几块芝士系上面，好香芝士味，但唔会咸，奶味都偏淡，黑松露比芝士味更香﹗总括黎讲，食物都可以，街景有加分。