菁囍 (已結業)

见到到旺角新开咗间茶饮店@菁囍,见门面青青黄黄好有夏日feel ,店长好落力💪💪介绍,原来店家系台湾品牌 过江龙来香港开店,所以店家茶叶都系台湾入口，店长极力推介Gelato复刻鲜奶茶,好啦咁我就试吓啦！我同事就点咗百年铁观音鲜奶来试吓 🔮好少有茶饮店用意大利Gelato雪糕,所以都有d期待,不过天气太热喇 ,番到公司旧雪糕都溶哂喇,唯有搅埋一齐啦！雪糕云尼拿味香浓,红茶竟然有麦味,可能我叫咗少甜,所以真系唔系好甜,不过有茶味同埋雪糕既甜味,沟埋我又觉得刚刚好㖞！ 🔮同事杯铁观音奶点咗少甜少冰,佢话好淡呀！无谂过少甜真系唔甜,不过茶味好香浓,好似饮紧冻冰茶咁,仙草都Q弹嘅！如果下次去买就正常比例算喇！