影片
更多
2010-10-09
8 浏览
月头行街睇衫，行到咁上下，有啲肚饿，经过意粉 360 ，见到门口有个大 Menu ，睇到下午茶款式几特别！急不及待入去试吓！北海道珍宝帆立贝野菌酥皮方块 $8.8今期优惠小食，见价钱合理，餐牌图片卖相不错，一试无妨！以蟹籽配上青芥末酱、帆立贝、野菌并以酥皮方块垫底；做得精巧有心思，以豆苗芽作点缀，突出美感！第一口已经食到攻鼻嘅 Wasabi 日式芥末沙律酱，Wasabi 沙律酱配合蟹籽，配合起嚟味道都唔错！两者放在帆立贝上面，一来作点缀，二来可以调味。帆立贝系日本人叫法，其实就系我哋食嘅扇贝；亦有公乸之分，就系睇橙色部分，有时系绿绿地色，我都忘记边只色系公乸！Sorry! 呢粒帆立贝算几肥美！帆立贝与酥皮方块之间，系野菌所在，野菌即系蘑菇，将蘑菇切成粒，腌埋酱料，好惹味！酥皮方块口感好似食紧牛角饱！虽然薄薄地，但系够松化！焗芝士牛肉肉酱薯条 $26焗芝士肉酱意粉就食得多，以牛肉做肉酱焗薯条真系第一次试！几有新鲜感！估唔到味道系出奇地夹！每条粗粗嘅薯条炸得金黄，外脆内软；然后同芝士肉酱一齐焗，十分滋味！大部分有成 3 吋长，食起嚟好有口感，兼有薯味。平时食惯蘸上茄汁，今次配上芝士牛肉肉酱
月头行街睇衫，行到咁上下，有啲肚饿，经过意粉 360 ，见到门口有个大 Menu ，睇到下午茶款式几特别！
急不及待入去试吓！
北海道珍宝帆立贝野菌酥皮方块 $8.8
今期优惠小食，见价钱合理，餐牌图片卖相不错，一试无妨！
以蟹籽配上青芥末酱、帆立贝、野菌并以酥皮方块垫底；做得精巧有心思，以豆苗芽作点缀，突出美感！
第一口已经食到攻鼻嘅 Wasabi 日式芥末沙律酱，Wasabi 沙律酱配合蟹籽，配合起嚟味道都唔错！两者放在帆立贝上面，一来作点缀，二来可以调味。帆立贝系日本人叫法，其实就系我哋食嘅扇贝；亦有公乸之分，就系睇橙色部分，有时系绿绿地色，我都忘记边只色系公乸！Sorry! 呢粒帆立贝算几肥美！帆立贝与酥皮方块之间，系野菌所在，野菌即系蘑菇，将蘑菇切成粒，腌埋酱料，好惹味！酥皮方块口感好似食紧牛角饱！虽然薄薄地，但系够松化！
焗芝士牛肉肉酱薯条 $26
焗芝士肉酱意粉就食得多，以牛肉做肉酱焗薯条真系第一次试！几有新鲜感！估唔到味道系出奇地夹！每条粗粗嘅薯条炸得金黄，外脆内软；然后同芝士肉酱一齐焗，十分滋味！大部分有成 3 吋长，食起嚟好有口感，兼有薯味。平时食惯蘸上茄汁，今次配上芝士牛肉肉酱，咸淡得宜！混入番茄茸，相得益彰！只系少部分被肉酱盖过嘅薯条，浸咗肉汁，明显腍咗。 此外，餐厅方面甚为奸诈， 将无咁好睇嘅连皮薯条放喺碟底，我有点被欺骗感觉！好在我钟意食焗薯，留意到薯皮嘅纹满布小圆圈，属于美国薯仔，就此罢了！
冲绳黑糖鸳鸯珍珠姜蜜 ( 原价 $28，跟餐特饮+$8 ) - 热饮
云云饮品当中，我叫咗呢杯另类特饮！正所谓「姜越老越辣！」嫩姜亦唔好睇少！切得如张一般薄嘅嫩姜，放了十多片落杯中，饮咗几啖，一股暖流直冲胃部！ 个名加上冲绳呢个日本地方名，令食客觉得系日式特饮，黑糖系咪来自冲绳就不得而知？！饮起嚟味道清甜，真系几辣，整体而言几好味！仲令我谂起巨记姜糖嘅味道！ 杯一特饮上枱，小珍珠浮面，大珍珠沉底，相映成趣！小珍珠本身爽身，个 Look 似西米，亦唔同<向茶>略带烟韧嘅白珍珠；大珍珠系乳酸爆爆珠，一咬即爆酸甜果汁，但系唔多夹杯饮品，显得格格不入！
白之恋人 ( 士多啤梨 + 白朱古力 + 牛奶 ) 净饮 $25
听到个名，令人意想到白色又 sweet 嘅饮品，热饮即系窝心！呢个名真系好贴切！ 如果情侣一齐 share 一杯嘅话，相信必定甜在心头，感到个中滋味！ 杯面系白朱古力打成泡沫，再以朱古力酱画上图案作点缀，卖相不裕！一杯似樱花粉红色嘅特饮，确实吸引女仔！饮品主要以牛奶混入士多啤梨味粉加热而成！并无士多啤梨成份。其实系一杯士多啤梨奶，无咩特别！ 甜味恰到好处。若果系冻饮会更好饮，可惜只得热饮！
薄利多销无疑系生意手法之一，起初廿几$嘅下午茶餐，加呢样加果样，再加一，食咗四十几$，由抵食都变咗唔抵食！
Remarks : 要加一
张贴
